by Cristina Montes
Malakas at napakalinaw
Na sumipol ang kulyawan
Na tipong nananawagan
Sa pwedeng makaulayaw.
Ako’y nahihikayat
Na subukan syang silipin.
Nakasasaya sa akin
Ang dilaw nyang matingkad
![](https://effpp648ga5.exactdn.com/wp-content/uploads/2020/09/Black-naped-Oriole.jpg?strip=all&lossy=1)
Sa gitna ng aking lumbay,
Pag-iisa, kainipan.
Wala akong matunguhan
At nakakulong sa bahay.
Pinakikinggan ko na lang
Ang madamdamin nyang huni.
Siguro – baka sakali –
Ako ang inaawitan.
Napakagandang tula Ms. Cristina Montes. Salamat sa pag sulat. Sana ay makagawa ka pa ng marami tungkol sa iba’t ibang ibon, na kayamanan ng ating kalikasan